Ezéchiel 1-6 (Codex W. Leningrad)

Ezéchiel 1-6

(Codex W. Leningrad)

¹ וַיְהִ֣י ׀ בִּשְׁלֹשִׁ֣ים שָׁנָ֗ה בָּֽרְבִיעִי֙ בַּחֲמִשָּׁ֣ה לַחֹ֔דֶשׁ וַאֲנִ֥י בְתֽוֹךְ־ הַגּוֹלָ֖ה עַל־ נְהַר־ כְּבָ֑ר נִפְתְּחוּ֙ הַשָּׁמַ֔יִם וָאֶרְאֶ֖ה מַרְא֥וֹת אֱלֹהִֽים׃ ² בַּחֲמִשָּׁ֖ה לַחֹ֑דֶשׁ הִ֚יא הַשָּׁנָ֣ה הַחֲמִישִׁ֔ית לְגָל֖וּת הַמֶּ֥לֶךְ יוֹיָכִֽין׃ ³ הָיֹ֣ה הָיָ֣ה דְבַר־ יְ֠הוָה אֶל־ יְחֶזְקֵ֨אל בֶּן־ בּוּזִ֧י הַכֹּהֵ֛ן בְּאֶ֥רֶץ כַּשְׂדִּ֖ים עַל־ נְהַר־ כְּבָ֑ר וַתְּהִ֥י עָלָ֛יו שָׁ֖ם יַד־ יְהוָֽה׃ ⁴ וָאֵ֡רֶא וְהִנֵּה֩ ר֨וּחַ סְעָרָ֜ה בָּאָ֣ה מִן־ הַצָּפ֗וֹן עָנָ֤ן גָּדוֹל֙ וְאֵ֣שׁ מִתְלַקַּ֔חַת וְנֹ֥גַֽהּ ל֖וֹ סָבִ֑יב וּמִ֨תּוֹכָ֔הּ כְּעֵ֥ין הַחַשְׁמַ֖ל מִתּ֥וֹךְ הָאֵֽשׁ׃ ⁵ וּמִ֨תּוֹכָ֔הּ דְּמ֖וּת אַרְבַּ֣ע חַיּ֑וֹת וְזֶה֙ מַרְאֵֽיהֶ֔ן דְּמ֥וּת אָדָ֖ם לָהֵֽנָּה׃ ⁶ וְאַרְבָּעָ֥ה פָנִ֖ים לְאֶחָ֑ת וְאַרְבַּ֥ע כְּנָפַ֖יִם לְאַחַ֥ת לָהֶֽם׃ ⁷ וְרַגְלֵיהֶ֖ם רֶ֣גֶל יְשָׁרָ֑ה וְכַ֣ף רַגְלֵיהֶ֗ם כְּכַף֙ רֶ֣גֶל עֵ֔גֶל וְנֹ֣צְצִ֔ים כְּעֵ֖ין נְחֹ֥שֶׁת קָלָֽל׃ ⁸ אָדָ֗ם מִתַּ֙חַת֙ כַּנְפֵיהֶ֔ם עַ֖ל אַרְבַּ֣עַת רִבְעֵיהֶ֑ם וּפְנֵיהֶ֥ם וְכַנְפֵיהֶ֖ם לְאַרְבַּעְתָּֽם׃ ⁹ חֹֽבְרֹ֛ת אִשָּׁ֥ה אֶל־ אֲחוֹתָ֖הּ כַּנְפֵיהֶ֑ם לֹא־ יִסַּ֣בּוּ בְלֶכְתָּ֔ן אִ֛ישׁ אֶל־ עֵ֥בֶר פָּנָ֖יו יֵלֵֽכוּ׃ ¹⁰ וּדְמ֣וּת פְּנֵיהֶם֮ פְּנֵ֣י אָדָם֒ וּפְנֵ֨י אַרְיֵ֤ה אֶל־ הַיָּמִין֙ לְאַרְבַּעְתָּ֔ם וּפְנֵי־ שׁ֥וֹר מֵֽהַשְּׂמֹ֖אול לְאַרְבַּעְתָּ֑ן וּפְנֵי־ נֶ֖שֶׁר לְאַרְבַּעְתָּֽן׃ ¹¹ וּפְנֵיהֶ֕ם וְכַנְפֵיהֶ֥ם פְּרֻד֖וֹת מִלְמָ֑עְלָה לְאִ֗ישׁ שְׁ֚תַּיִם חֹבְר֣וֹת אִ֔ישׁ וּשְׁתַּ֣יִם מְכַסּ֔וֹת אֵ֖ת גְּוִיֹתֵיהֶֽנָה׃ ¹² וְאִ֛ישׁ אֶל־ עֵ֥בֶר פָּנָ֖יו יֵלֵ֑כוּ אֶ֣ל אֲשֶׁר֩ יִֽהְיֶה־ שָׁ֨מָּה הָר֤וּחַ לָלֶ֙כֶת֙ יֵלֵ֔כוּ לֹ֥א יִסַּ֖בּוּ בְּלֶכְתָּֽן׃ ¹³ וּדְמ֨וּת הַחַיּ֜וֹת מַרְאֵיהֶ֣ם כְּגַחֲלֵי־ אֵ֗שׁ בֹּֽעֲרוֹת֙ כְּמַרְאֵ֣ה הַלַּפִּדִ֔ים הִ֕יא מִתְהַלֶּ֖כֶת בֵּ֣ין הַחַיּ֑וֹת וְנֹ֣גַהּ לָאֵ֔שׁ וּמִן־ הָאֵ֖שׁ יוֹצֵ֥א בָרָֽק׃ ¹⁴ וְהַחַיּ֖וֹת רָצ֣וֹא וָשׁ֑וֹב כְּמַרְאֵ֖ה הַבָּזָֽק׃ ¹⁵ וָאֵ֖רֶא הַחַיּ֑וֹת וְהִנֵּה֩ אוֹפַ֨ן אֶחָ֥ד בָּאָ֛רֶץ אֵ֥צֶל הַחַיּ֖וֹת לְאַרְבַּ֥עַת פָּנָֽיו׃ ¹⁶ מַרְאֵ֨ה הָאוֹפַנִּ֤ים וּמַעֲשֵׂיהֶם֙ כְּעֵ֣ין תַּרְשִׁ֔ישׁ וּדְמ֥וּת אֶחָ֖ד לְאַרְבַּעְתָּ֑ן וּמַרְאֵיהֶם֙ וּמַ֣עֲשֵׂיהֶ֔ם כַּאֲשֶׁ֛ר יִהְיֶ֥ה הָאוֹפַ֖ן בְּת֥וֹךְ הָאוֹפָֽן׃ ¹⁷ עַל־ אַרְבַּ֥עַת רִבְעֵיהֶ֖ן בְּלֶכְתָּ֣ם יֵלֵ֑כוּ לֹ֥א יִסַּ֖בּוּ בְּלֶכְתָּֽן׃ ¹⁸ וְגַ֨בֵּיהֶ֔ן וְגֹ֥בַהּ לָהֶ֖ם וְיִרְאָ֣ה לָהֶ֑ם וְגַבֹּתָ֗ם מְלֵאֹ֥ת עֵינַ֛יִם סָבִ֖יב לְאַרְבַּעְתָּֽן׃ ¹⁹ וּבְלֶ֙כֶת֙ הַֽחַיּ֔וֹת יֵלְכ֥וּ הָאוֹפַנִּ֖ים אֶצְלָ֑ם וּבְהִנָּשֵׂ֤א הַֽחַיּוֹת֙ מֵעַ֣ל הָאָ֔רֶץ יִנָּשְׂא֖וּ הָאוֹפַנִּֽים׃ ²⁰ עַ֣ל אֲשֶׁר֩ יִֽהְיֶה־ שָּׁ֨ם הָר֤וּחַ לָלֶ֙כֶת֙ יֵלֵ֔כוּ שָׁ֥מָּה הָר֖וּחַ לָלֶ֑כֶת וְהָאוֹפַנִּ֗ים יִנָּשְׂאוּ֙ לְעֻמָּתָ֔ם כִּ֛י ר֥וּחַ הַחַיָּ֖ה בָּאוֹפַנִּֽים׃ ²¹ בְּלֶכְתָּ֣ם יֵלֵ֔כוּ וּבְעָמְדָ֖ם יַֽעֲמֹ֑דוּ וּֽבְהִנָּשְׂאָ֞ם מֵעַ֣ל הָאָ֗רֶץ יִנָּשְׂא֤וּ הָאֽוֹפַנִּים֙ לְעֻמָּתָ֔ם כִּ֛י ר֥וּחַ הַחַיָּ֖ה בָּאוֹפַנִּֽים׃ ²² וּדְמ֞וּת עַל־ רָאשֵׁ֤י הַחַיָּה֙ רָקִ֔יעַ כְּעֵ֖ין הַקֶּ֣רַח הַנּוֹרָ֑א נָט֥וּי עַל־ רָאשֵׁיהֶ֖ם מִלְמָֽעְלָה׃ ²³ וְתַ֙חַת֙ הָרָקִ֔יעַ כַּנְפֵיהֶ֣ם יְשָׁר֔וֹת אִשָּׁ֖ה אֶל־ אֲחוֹתָ֑הּ לְאִ֗ישׁ שְׁתַּ֤יִם מְכַסּוֹת֙ לָהֵ֔נָּה וּלְאִ֗ישׁ שְׁתַּ֤יִם מְכַסּוֹת֙ לָהֵ֔נָּה אֵ֖ת גְּוִיֹּתֵיהֶֽם׃ ²⁴ וָאֶשְׁמַ֣ע אֶת־ ק֣וֹל כַּנְפֵיהֶ֡ם כְּקוֹל֩ מַ֨יִם רַבִּ֤ים כְּקוֹל־ שַׁדַּי֙ בְּלֶכְתָּ֔ם ק֥וֹל הֲמֻלָּ֖ה כְּק֣וֹל מַחֲנֶ֑ה בְּעָמְדָ֖ם תְּרַפֶּ֥ינָה כַנְפֵיהֶֽן׃ ²⁵ וַיְהִי־ ק֕וֹל מֵעַ֕ל לָרָקִ֖יעַ אֲשֶׁ֣ר עַל־ רֹאשָׁ֑ם בְּעָמְדָ֖ם תְּרַפֶּ֥ינָה כַנְפֵיהֶֽן׃ ²⁶ וּמִמַּ֗עַל לָרָקִ֙יעַ֙ אֲשֶׁ֣ר עַל־ רֹאשָׁ֔ם כְּמַרְאֵ֥ה אֶֽבֶן־ סַפִּ֖יר דְּמ֣וּת כִּסֵּ֑א וְעַל֙ דְּמ֣וּת הַכִּסֵּ֔א דְּמ֞וּת כְּמַרְאֵ֥ה אָדָ֛ם עָלָ֖יו מִלְמָֽעְלָה׃ ²⁷ וָאֵ֣רֶא ׀ כְּעֵ֣ין חַשְׁמַ֗ל כְּמַרְאֵה־ אֵ֤שׁ בֵּֽית־ לָהּ֙ סָבִ֔יב מִמַּרְאֵ֥ה מָתְנָ֖יו וּלְמָ֑עְלָה וּמִמַּרְאֵ֤ה מָתְנָיו֙ וּלְמַ֔טָּה רָאִ֙יתִי֙ כְּמַרְאֵה־ אֵ֔שׁ וְנֹ֥גַֽהּ ל֖וֹ סָבִֽיב׃ ²⁸ כְּמַרְאֵ֣ה הַקֶּ֡שֶׁת אֲשֶׁר֩ יִֽהְיֶ֨ה בֶעָנָ֜ן בְּי֣וֹם הַגֶּ֗שֶׁם כֵּ֣ן מַרְאֵ֤ה הַנֹּ֙גַהּ֙ סָבִ֔יב ה֕וּא מַרְאֵ֖ה דְּמ֣וּת כְּבוֹד־ יְהוָ֑ה וָֽאֶרְאֶה֙ וָאֶפֹּ֣ל עַל־ פָּנַ֔י וָאֶשְׁמַ֖ע ק֥וֹל מְדַבֵּֽר׃

Ezéchiel 2

¹ וַיֹּ֖אמֶר אֵלָ֑י בֶּן־ אָדָם֙ עֲמֹ֣ד עַל־ רַגְלֶ֔יךָ וַאֲדַבֵּ֖ר אֹתָֽךְ׃ ² וַתָּ֧בֹא בִ֣י ר֗וּחַ כַּֽאֲשֶׁר֙ דִּבֶּ֣ר אֵלַ֔י וַתַּעֲמִדֵ֖נִי עַל־ רַגְלָ֑י וָאֶשְׁמַ֕ע אֵ֖ת מִדַּבֵּ֥ר אֵלָֽי׃
   ³ וַיֹּ֣אמֶר אֵלַ֗י בֶּן־ אָדָם֙ שׁוֹלֵ֨חַ אֲנִ֤י אֽוֹתְךָ֙ אֶל־ בְּנֵ֣י יִשְׂרָאֵ֔ל אֶל־ גּוֹיִ֥ם הַמּוֹרְדִ֖ים אֲשֶׁ֣ר מָרְדוּ־ בִ֑י הֵ֤מָּה וַאֲבוֹתָם֙ פָּ֣שְׁעוּ בִ֔י עַד־ עֶ֖צֶם הַיּ֥וֹם הַזֶּֽה׃ ⁴ וְהַבָּנִ֗ים קְשֵׁ֤י פָנִים֙ וְחִזְקֵי־ לֵ֔ב אֲנִ֛י שׁוֹלֵ֥חַ אוֹתְךָ֖ אֲלֵיהֶ֑ם וְאָמַרְתָּ֣ אֲלֵיהֶ֔ם כֹּ֥ה אָמַ֖ר אֲדֹנָ֥י יְהֹוִֽה׃ ⁵ וְהֵ֙מָּה֙ אִם־ יִשְׁמְע֣וּ וְאִם־ יֶחְדָּ֔לוּ כִּ֛י בֵּ֥ית מְרִ֖י הֵ֑מָּה וְיָ֣דְע֔וּ כִּ֥י נָבִ֖יא הָיָ֥ה בְתוֹכָֽם׃
   ⁶ וְאַתָּ֣ה בֶן־ אָ֠דָם אַל־ תִּירָ֨א מֵהֶ֜ם וּמִדִּבְרֵיהֶ֣ם אַל־ תִּירָ֗א כִּ֣י סָרָבִ֤ים וְסַלּוֹנִים֙ אוֹתָ֔ךְ וְאֶל־ עַקְרַבִּ֖ים אַתָּ֣ה יוֹשֵׁ֑ב מִדִּבְרֵיהֶ֤ם אַל־ תִּירָא֙ וּמִפְּנֵיהֶ֣ם אַל־ תֵּחָ֔ת כִּ֛י בֵּ֥ית מְרִ֖י הֵֽמָּה׃ ⁷ וְדִבַּרְתָּ֤ אֶת־ דְּבָרַי֙ אֲלֵיהֶ֔ם אִֽם־ יִשְׁמְע֖וּ וְאִם־ יֶחְדָּ֑לוּ כִּ֥י מְרִ֖י הֵֽמָּה׃
   ⁸ וְאַתָּ֣ה בֶן־ אָדָ֗ם שְׁמַע֙ אֵ֤ת אֲשֶׁר־ אֲנִי֙ מְדַבֵּ֣ר אֵלֶ֔יךָ אַל־ תְּהִי־ מֶ֖רִי כְּבֵ֣ית הַמֶּ֑רִי פְּצֵ֣ה פִ֔יךָ וֶאֱכֹ֕ל אֵ֥ת אֲשֶׁר־ אֲנִ֖י נֹתֵ֥ן אֵלֶֽיךָ׃ ⁹ וָאֶרְאֶ֕ה וְהִנֵּה־ יָ֖ד שְׁלוּחָ֣ה אֵלָ֑י וְהִנֵּה־ ב֖וֹ מְגִלַּת־ סֵֽפֶר׃ ¹⁰ וַיִּפְרֹ֤שׂ אוֹתָהּ֙ לְפָנַ֔י וְהִ֥יא כְתוּבָ֖ה פָּנִ֣ים וְאָח֑וֹר וְכָת֣וּב אֵלֶ֔יהָ קִנִ֥ים וָהֶ֖גֶה וָהִֽי׃

Ezéchiel 3

¹ וַיֹּ֣אמֶר אֵלַ֔י בֶּן־ אָדָ֕ם אֵ֥ת אֲשֶׁר־ תִּמְצָ֖א אֱכ֑וֹל אֱכוֹל֙ אֶת־ הַמְּגִלָּ֣ה הַזֹּ֔את וְלֵ֥ךְ דַּבֵּ֖ר אֶל־ בֵּ֥ית יִשְׂרָאֵֽל׃ ² וָאֶפְתַּ֖ח אֶת־ פִּ֑י וַיַּ֣אֲכִלֵ֔נִי אֵ֖ת הַמְּגִלָּ֥ה הַזֹּֽאת׃ ³ וַיֹּ֣אמֶר אֵלַ֗י בֶּן־ אָדָם֙ בִּטְנְךָ֤ תַֽאֲכֵל֙ וּמֵעֶ֣יךָ תְמַלֵּ֔א אֵ֚ת הַמְּגִלָּ֣ה הַזֹּ֔את אֲשֶׁ֥ר אֲנִ֖י נֹתֵ֣ן אֵלֶ֑יךָ וָאֹ֣כְלָ֔ה וַתְּהִ֥י בְּפִ֖י כִּדְבַ֥שׁ לְמָתֽוֹק׃
   ⁴ וַיֹּ֖אמֶר אֵלָ֑י בֶּן־ אָדָ֗ם לֶךְ־ בֹּא֙ אֶל־ בֵּ֣ית יִשְׂרָאֵ֔ל וְדִבַּרְתָּ֥ בִדְבָרַ֖י אֲלֵיהֶֽם׃ ⁵ כִּ֡י לֹא֩ אֶל־ עַ֨ם עִמְקֵ֥י שָׂפָ֛ה וְכִבְדֵ֥י לָשׁ֖וֹן אַתָּ֣ה שָׁל֑וּחַ אֶל־ בֵּ֖ית יִשְׂרָאֵֽל׃ ⁶ לֹ֣א ׀ אֶל־ עַמִּ֣ים רַבִּ֗ים עִמְקֵ֤י שָׂפָה֙ וְכִבְדֵ֣י לָשׁ֔וֹן אֲשֶׁ֥ר לֹֽא־ תִשְׁמַ֖ע דִּבְרֵיהֶ֑ם אִם־ לֹ֤א אֲלֵיהֶם֙ שְׁלַחְתִּ֔יךָ הֵ֖מָּה יִשְׁמְע֥וּ אֵלֶֽיךָ׃ ⁷ וּבֵ֣ית יִשְׂרָאֵ֗ל לֹ֤א יֹאבוּ֙ לִשְׁמֹ֣עַ אֵלֶ֔יךָ כִּֽי־ אֵינָ֥ם אֹבִ֖ים לִשְׁמֹ֣עַ אֵלָ֑י כִּ֚י כָּל־ בֵּ֣ית יִשְׂרָאֵ֔ל חִזְקֵי־ מֵ֥צַח וּקְשֵׁי־ לֵ֖ב הֵֽמָּה׃ ⁸ הִנֵּ֨ה נָתַ֧תִּי אֶת־ פָּנֶ֛יךָ חֲזָקִ֖ים לְעֻמַּ֣ת פְּנֵיהֶ֑ם וְאֶֽת־ מִצְחֲךָ֥ חָזָ֖ק לְעֻמַּ֥ת מִצְחָֽם׃ ⁹ כְּשָׁמִ֛יר חָזָ֥ק מִצֹּ֖ר נָתַ֣תִּי מִצְחֶ֑ךָ לֹֽא־ תִירָ֤א אוֹתָם֙ וְלֹא־ תֵחַ֣ת מִפְּנֵיהֶ֔ם כִּ֛י בֵּֽית־ מְרִ֖י הֵֽמָּה׃
   ¹⁰ וַיֹּ֖אמֶר אֵלָ֑י בֶּן־ אָדָ֕ם אֶת־ כָּל־ דְּבָרַי֙ אֲשֶׁ֣ר אֲדַבֵּ֣ר אֵלֶ֔יךָ קַ֥ח בִּֽלְבָבְךָ֖ וּבְאָזְנֶ֥יךָ שְׁמָֽע׃ ¹¹ וְלֵ֨ךְ בֹּ֤א אֶל־ הַגּוֹלָה֙ אֶל־ בְּנֵ֣י עַמֶּ֔ךָ וְדִבַּרְתָּ֤ אֲלֵיהֶם֙ וְאָמַרְתָּ֣ אֲלֵיהֶ֔ם כֹּ֥ה אָמַ֖ר אֲדֹנָ֣י יְהֹוִ֑ה אִֽם־ יִשְׁמְע֖וּ וְאִם־ יֶחְדָּֽלוּ׃ ¹² וַתִּשָּׂאֵ֣נִי ר֔וּחַ וָאֶשְׁמַ֣ע אַחֲרַ֔י ק֖וֹל רַ֣עַשׁ גָּד֑וֹל בָּר֥וּךְ כְּבוֹד־ יְהוָ֖ה מִמְּקוֹמֽוֹ׃ ¹³ וְק֣וֹל ׀ כַּנְפֵ֣י הַחַיּ֗וֹת מַשִּׁיקוֹת֙ אִשָּׁ֣ה אֶל־ אֲחוֹתָ֔הּ וְק֥וֹל הָאוֹפַנִּ֖ים לְעֻמָּתָ֑ם וְק֖וֹל רַ֥עַשׁ גָּדֽוֹל׃ ¹⁴ וְר֥וּחַ נְשָׂאַ֖תְנִי וַתִּקָּחֵ֑נִי וָאֵלֵ֥ךְ מַר֙ בַּחֲמַ֣ת רוּחִ֔י וְיַד־ יְהוָ֥ה עָלַ֖י חָזָֽקָה׃ ¹⁵ וָאָב֨וֹא אֶל־ הַגּוֹלָ֜ה תֵּ֣ל אָ֠בִיב הַיֹּשְׁבִ֤ים אֶֽל־ נְהַר־ כְּבָר֙ הֵ֖מָּה יוֹשְׁבִ֣ים שָׁ֑ם וָאֵשֵׁ֥ב שָׁ֛ם שִׁבְעַ֥ת יָמִ֖ים מַשְׁמִ֥ים בְּתוֹכָֽם׃ ¹⁶ וַיְהִ֕י מִקְצֵ֖ה שִׁבְעַ֣ת יָמִ֑ים וַיְהִ֥י דְבַר־ יְהוָ֖ה אֵלַ֥י לֵאמֹֽר׃
   ¹⁷ בֶּן־ אָדָ֕ם צֹפֶ֥ה נְתַתִּ֖יךָ לְבֵ֣ית יִשְׂרָאֵ֑ל וְשָׁמַעְתָּ֤ מִפִּי֙ דָּבָ֔ר וְהִזְהַרְתָּ֥ אוֹתָ֖ם מִמֶּֽנִּי׃ ¹⁸ בְּאָמְרִ֤י לָֽרָשָׁע֙ מ֣וֹת תָּמ֔וּת וְלֹ֣א הִזְהַרְתּ֗וֹ וְלֹ֥א דִבַּ֛רְתָּ לְהַזְהִ֥יר רָשָׁ֛ע מִדַּרְכּ֥וֹ הָרְשָׁעָ֖ה לְחַיֹּת֑וֹ ה֤וּא רָשָׁע֙ בַּעֲוֺנ֣וֹ יָמ֔וּת וְדָמ֖וֹ מִיָּדְךָ֥ אֲבַקֵּֽשׁ׃ ¹⁹ וְאַתָּה֙ כִּֽי־ הִזְהַ֣רְתָּ רָשָׁ֔ע וְלֹא־ שָׁב֙ מֵֽרִשְׁע֔וֹ וּמִדַּרְכּ֖וֹ הָרְשָׁעָ֑ה ה֚וּא בַּעֲוֺנ֣וֹ יָמ֔וּת וְאַתָּ֖ה אֶֽת־ נַפְשְׁךָ֥ הִצַּֽלְתָּ׃ ²⁰ וּבְשׁ֨וּב צַדִּ֤יק מִצִּדְקוֹ֙ וְעָ֣שָׂה עָ֔וֶל וְנָתַתִּ֥י מִכְשׁ֛וֹל לְפָנָ֖יו ה֣וּא יָמ֑וּת כִּ֣י לֹ֤א הִזְהַרְתּוֹ֙ בְּחַטָּאת֣וֹ יָמ֔וּת וְלֹ֣א תִזָּכַ֗רְןָ צִדְקֹתָו֙ אֲשֶׁ֣ר עָשָׂ֔ה וְדָמ֖וֹ מִיָּדְךָ֥ אֲבַקֵּֽשׁ׃ ²¹ וְאַתָּ֞ה כִּ֧י הִזְהַרְתּ֣וֹ צַדִּ֗יק לְבִלְתִּ֥י חֲטֹ֛א צַדִּ֖יק וְה֣וּא לֹא־ חָטָ֑א חָי֤וֹ יִֽחְיֶה֙ כִּ֣י נִזְהָ֔ר וְאַתָּ֖ה אֶֽת־ נַפְשְׁךָ֥ הִצַּֽלְתָּ׃ ²² וַתְּהִ֥י עָלַ֛י שָׁ֖ם יַד־ יְהוָ֑ה וַיֹּ֣אמֶר אֵלַ֗י ק֥וּם צֵא֙ אֶל־ הַבִּקְעָ֔ה וְשָׁ֖ם אֲדַבֵּ֥ר אוֹתָֽךְ׃ ²³ וָאָקוּם֮ וָאֵצֵ֣א אֶל־ הַבִּקְעָה֒ וְהִנֵּה־ שָׁ֤ם כְּבוֹד־ יְהוָה֙ עֹמֵ֔ד כַּכָּב֕וֹד אֲשֶׁ֥ר רָאִ֖יתִי עַל־ נְהַר־ כְּבָ֑ר וָאֶפֹּ֖ל עַל־ פָּנָֽי׃ ²⁴ וַתָּבֹא־ בִ֣י ר֔וּחַ וַתַּעֲמִדֵ֖נִי עַל־ רַגְלָ֑י וַיְדַבֵּ֤ר אֹתִי֙ וַיֹּ֣אמֶר אֵלַ֔י בֹּ֥א הִסָּגֵ֖ר בְּת֥וֹךְ בֵּיתֶֽךָ׃ ²⁵ וְאַתָּ֣ה בֶן־ אָדָ֗ם הִנֵּ֨ה נָתְנ֤וּ עָלֶ֙יךָ֙ עֲבוֹתִ֔ים וַאֲסָר֖וּךָ בָּהֶ֑ם וְלֹ֥א תֵצֵ֖א בְּתוֹכָֽם׃ ²⁶ וּלְשֽׁוֹנְךָ֙ אַדְבִּ֣יק אֶל־ חִכֶּ֔ךָ וְנֶֽאֱלַ֔מְתָּ וְלֹא־ תִֽהְיֶ֥ה לָהֶ֖ם לְאִ֣ישׁ מוֹכִ֑יחַ כִּ֛י בֵּ֥ית מְרִ֖י הֵֽמָּה׃ ²⁷ וּֽבְדַבְּרִ֤י אֽוֹתְךָ֙ אֶפְתַּ֣ח אֶת־ פִּ֔יךָ וְאָמַרְתָּ֣ אֲלֵיהֶ֔ם כֹּ֥ה אָמַ֖ר אֲדֹנָ֣י יְהֹוִ֑ה הַשֹּׁמֵ֤עַ ׀ יִשְׁמָע֙ וְהֶחָדֵ֣ל ׀ יֶחְדָּ֔ל כִּ֛י בֵּ֥ית מְרִ֖י הֵֽמָּה׃

Ezéchiel 4

¹ וְאַתָּ֤ה בֶן־ אָדָם֙ קַח־ לְךָ֣ לְבֵנָ֔ה וְנָתַתָּ֥ה אוֹתָ֖הּ לְפָנֶ֑יךָ וְחַקּוֹתָ֥ עָלֶ֛יהָ עִ֖יר אֶת־ יְרוּשָׁלִָֽם׃ ² וְנָתַתָּ֨ה עָלֶ֜יהָ מָצ֗וֹר וּבָנִ֤יתָ עָלֶ֙יהָ֙ דָּיֵ֔ק וְשָׁפַכְתָּ֥ עָלֶ֖יהָ סֹֽלְלָ֑ה וְנָתַתָּ֨ה עָלֶ֧יהָ מַחֲנ֛וֹת וְשִׂים־ עָלֶ֥יהָ כָּרִ֖ים סָבִֽיב׃ ³ וְאַתָּ֤ה קַח־ לְךָ֙ מַחֲבַ֣ת בַּרְזֶ֔ל וְנָתַתָּ֤ה אוֹתָהּ֙ קִ֣יר בַּרְזֶ֔ל בֵּינְךָ֖ וּבֵ֣ין הָעִ֑יר וַהֲכִינֹתָה֩ אֶת־ פָּנֶ֨יךָ אֵלֶ֜יהָ וְהָיְתָ֤ה בַמָּצוֹר֙ וְצַרְתָּ֣ עָלֶ֔יהָ א֥וֹת הִ֖יא לְבֵ֥ית יִשְׂרָאֵֽל׃ ⁴ וְאַתָּ֤ה שְׁכַב֙ עַל־ צִדְּךָ֣ הַשְּׂמָאלִ֔י וְשַׂמְתָּ֛ אֶת־ עֲוֺ֥ן בֵּֽית־ יִשְׂרָאֵ֖ל עָלָ֑יו מִסְפַּ֤ר הַיָּמִים֙ אֲשֶׁ֣ר תִּשְׁכַּ֣ב עָלָ֔יו תִּשָּׂ֖א אֶת־ עֲוֺנָֽם׃ ⁵ וַאֲנִ֗י נָתַ֤תִּֽי לְךָ֙ אֶת־ שְׁנֵ֣י עֲוֺנָ֔ם לְמִסְפַּ֣ר יָמִ֔ים שְׁלֹשׁ־ מֵא֥וֹת וְתִשְׁעִ֖ים י֑וֹם וְנָשָׂ֖אתָ עֲוֺ֥ן בֵּֽית־ יִשְׂרָאֵֽל׃ ⁶ וְכִלִּיתָ֣ אֶת־ אֵ֗לֶּה וְשָׁ֨כַבְתָּ֜ עַל־ צִדְּךָ֤ שֵׁנִ֔ית וְנָשָׂ֖אתָ אֶת־ עֲוֺ֣ן בֵּית־ יְהוּדָ֑ה אַרְבָּעִ֣ים י֔וֹם י֧וֹם לַשָּׁנָ֛ה י֥וֹם לַשָּׁנָ֖ה נְתַתִּ֥יו לָֽךְ׃ ⁷ וְאֶל־ מְצ֤וֹר יְרוּשָׁלִַ֙ם֙ תָּכִ֣ין פָּנֶ֔יךָ וּֽזְרֹעֲךָ֖ חֲשׂוּפָ֑ה וְנִבֵּאתָ֖ עָלֶֽיהָ׃ ⁸ וְהִנֵּ֛ה נָתַ֥תִּי עָלֶ֖יךָ עֲבוֹתִ֑ים וְלֹֽא־ תֵהָפֵ֤ךְ מִֽצִּדְּךָ֙ אֶל־ צִדֶּ֔ךָ עַד־ כַּלּוֹתְךָ֖ יְמֵ֥י מְצוּרֶֽךָ׃ ⁹ וְאַתָּ֣ה קַח־ לְךָ֡ חִטִּ֡ין וּ֠שְׂעֹרִים וּפ֨וֹל וַעֲדָשִׁ֜ים וְדֹ֣חַן וְכֻסְּמִ֗ים וְנָתַתָּ֤ה אוֹתָם֙ בִּכְלִ֣י אֶחָ֔ד וְעָשִׂ֧יתָ אוֹתָ֛ם לְךָ֖ לְלָ֑חֶם מִסְפַּ֨ר הַיָּמִ֜ים אֲשֶׁר־ אַתָּ֣ה ׀ שׁוֹכֵ֣ב עַֽל־ צִדְּךָ֗ שְׁלֹשׁ־ מֵא֧וֹת וְתִשְׁעִ֛ים י֖וֹם תֹּאכֲלֶֽנּוּ׃ ¹⁰ וּמַאֲכָֽלְךָ֙ אֲשֶׁ֣ר תֹּאכֲלֶ֔נּוּ בְּמִשְׁק֕וֹל עֶשְׂרִ֥ים שֶׁ֖קֶל לַיּ֑וֹם מֵעֵ֥ת עַד־ עֵ֖ת תֹּאכֲלֶֽנּוּ׃ ¹¹ וּמַ֛יִם בִּמְשׂוּרָ֥ה תִשְׁתֶּ֖ה שִׁשִּׁ֣ית הַהִ֑ין מֵעֵ֥ת עַד־ עֵ֖ת תִּשְׁתֶּֽה׃ ¹² וְעֻגַ֥ת שְׂעֹרִ֖ים תֹּֽאכֲלֶ֑נָּה וְהִ֗יא בְּגֶֽלְלֵי֙ צֵאַ֣ת הָֽאָדָ֔ם תְּעֻגֶ֖נָה לְעֵינֵיהֶֽם׃ ¹³ וַיֹּ֣אמֶר יְהוָ֔ה כָּ֣כָה יֹאכְל֧וּ בְנֵֽי־ יִשְׂרָאֵ֛ל אֶת־ לַחְמָ֖ם טָמֵ֑א בַּגּוֹיִ֕ם אֲשֶׁ֥ר אַדִּיחֵ֖ם שָֽׁם׃ ¹⁴ וָאֹמַ֗ר אֲהָהּ֙ אֲדֹנָ֣י יְהוִ֔ה הִנֵּ֥ה נַפְשִׁ֖י לֹ֣א מְטֻמָּאָ֑ה וּנְבֵלָ֨ה וּטְרֵפָ֤ה לֹֽא־ אָכַ֙לְתִּי֙ מִנְּעוּרַ֣י וְעַד־ עַ֔תָּה וְלֹא־ בָ֥א בְּפִ֖י בְּשַׂ֥ר פִּגּֽוּל׃ ¹⁵ וַיֹּ֣אמֶר אֵלַ֔י רְאֵ֗ה נָתַ֤תִּֽי לְךָ֙ אֶת־ הַבָּקָ֔ר תַּ֖חַת גֶּלְלֵ֣י הָֽאָדָ֑ם וְעָשִׂ֥יתָ אֶֽת־ לַחְמְךָ֖ עֲלֵיהֶֽם׃ ¹⁶ וַיֹּ֣אמֶר אֵלַ֗י בֶּן־ אָדָם֙ הִנְנִ֨י שֹׁבֵ֤ר מַטֵּה־ לֶ֙חֶם֙ בִּיר֣וּשָׁלִַ֔ם וְאָכְלוּ־ לֶ֥חֶם בְּמִשְׁקָ֖ל וּבִדְאָגָ֑ה וּמַ֕יִם בִּמְשׂוּרָ֥ה וּבְשִׁמָּמ֖וֹן יִשְׁתּֽוּ׃ ¹⁷ לְמַ֥עַן יַחְסְר֖וּ לֶ֣חֶם וָמָ֑יִם וְנָשַׁ֙מּוּ֙ אִ֣ישׁ וְאָחִ֔יו וְנָמַ֖קּוּ בַּעֲוֺנָֽם׃

Ezéchiel 5

   ¹ וְאַתָּ֨ה בֶן־ אָדָ֜ם קַח־ לְךָ֣ ׀ חֶ֣רֶב חַדָּ֗ה תַּ֤עַר הַגַּלָּבִים֙ תִּקָּחֶ֣נָּה לָּ֔ךְ וְהַעֲבַרְתָּ֥ עַל־ רֹאשְׁךָ֖ וְעַל־ זְקָנֶ֑ךָ וְלָקַחְתָּ֥ לְךָ֛ מֹאזְנֵ֥י מִשְׁקָ֖ל וְחִלַּקְתָּֽם׃ ² שְׁלִשִׁ֗ית בָּא֤וּר תַּבְעִיר֙ בְּת֣וֹךְ הָעִ֔יר כִּמְלֹ֖את יְמֵ֣י הַמָּצ֑וֹר וְלָֽקַחְתָּ֣ אֶת־ הַשְּׁלִשִׁ֗ית תַּכֶּ֤ה בַחֶ֙רֶב֙ סְבִ֣יבוֹתֶ֔יהָ וְהַשְּׁלִשִׁית֙ תִּזְרֶ֣ה לָר֔וּחַ וְחֶ֖רֶב אָרִ֥יק אַחֲרֵיהֶֽם׃ ³ וְלָקַחְתָּ֥ מִשָּׁ֖ם מְעַ֣ט בְּמִסְפָּ֑ר וְצַרְתָּ֥ אוֹתָ֖ם בִּכְנָפֶֽיךָ׃ ⁴ וּמֵהֶם֙ ע֣וֹד תִּקָּ֔ח וְהִשְׁלַכְתָּ֤ אוֹתָם֙ אֶל־ תּ֣וֹךְ הָאֵ֔שׁ וְשָׂרַפְתָּ֥ אֹתָ֖ם בָּאֵ֑שׁ מִמֶּ֥נּוּ תֵצֵא־ אֵ֖שׁ אֶל־ כָּל־ בֵּ֥ית יִשְׂרָאֵֽל׃
   ⁵ כֹּ֤ה אָמַר֙ אֲדֹנָ֣י יְהֹוִ֔ה זֹ֚את יְר֣וּשָׁלִַ֔ם בְּת֥וֹךְ הַגּוֹיִ֖ם שַׂמְתִּ֑יהָ וּסְבִיבוֹתֶ֖יהָ אֲרָצֽוֹת׃ ⁶ וַתֶּ֨מֶר אֶת־ מִשְׁפָּטַ֤י לְרִשְׁעָה֙ מִן־ הַגּוֹיִ֔ם וְאֶ֨ת־ חֻקּוֹתַ֔י מִן־ הָאֲרָצ֖וֹת אֲשֶׁ֣ר סְבִיבוֹתֶ֑יהָ כִּ֤י בְמִשְׁפָּטַי֙ מָאָ֔סוּ וְחֻקּוֹתַ֖י לֹא־ הָלְכ֥וּ בָהֶֽם׃ ⁷ לָכֵ֞ן כֹּֽה־ אָמַ֣ר ׀ אֲדֹנָ֣י יְהוִ֗ה יַ֤עַן הֲמָנְכֶם֙ מִן־ הַגּוֹיִם֙ אֲשֶׁ֣ר סְבִיבֽוֹתֵיכֶ֔ם בְּחֻקּוֹתַי֙ לֹ֣א הֲלַכְתֶּ֔ם וְאֶת־ מִשְׁפָּטַ֖י לֹ֣א עֲשִׂיתֶ֑ם וּֽכְמִשְׁפְּטֵ֧י הַגּוֹיִ֛ם אֲשֶׁ֥ר סְבִיבוֹתֵיכֶ֖ם לֹ֥א עֲשִׂיתֶֽם׃ ⁸ לָכֵ֗ן כֹּ֤ה אָמַר֙ אֲדֹנָ֣י יְהוִ֔ה הִנְנִ֥י עָלַ֖יִךְ גַּם־ אָ֑נִי וְעָשִׂ֧יתִי בְתוֹכֵ֛ךְ מִשְׁפָּטִ֖ים לְעֵינֵ֥י הַגּוֹיִֽם׃ ⁹ וְעָשִׂ֣יתִי בָ֗ךְ אֵ֚ת אֲשֶׁ֣ר לֹֽא־ עָשִׂ֔יתִי וְאֵ֛ת אֲשֶֽׁר־ לֹֽא־ אֶעֱשֶׂ֥ה כָמֹ֖הוּ ע֑וֹד יַ֖עַן כָּל־ תּוֹעֲבֹתָֽיִךְ׃ ¹⁰ לָכֵ֗ן אָב֞וֹת יֹאכְל֤וּ בָנִים֙ בְּתוֹכֵ֔ךְ וּבָנִ֖ים יֹאכְל֣וּ אֲבוֹתָ֑ם וְעָשִׂ֤יתִי בָךְ֙ שְׁפָטִ֔ים וְזֵרִיתִ֥י אֶת־ כָּל־ שְׁאֵרִיתֵ֖ךְ לְכָל־ רֽוּחַ׃
   ¹¹ לָכֵ֣ן חַי־ אָ֗נִי נְאֻם֮ אֲדֹנָ֣י יְהוִה֒ אִם־ לֹ֗א יַ֚עַן אֶת־ מִקְדָּשִׁ֣י טִמֵּ֔את בְּכָל־ שִׁקּוּצַ֖יִךְ וּבְכָל־ תּוֹעֲבֹתָ֑יִךְ וְגַם־ אֲנִ֤י אֶגְרַע֙ וְלֹא־ תָח֣וֹס עֵינִ֔י וְגַם־ אֲנִ֖י לֹ֥א אֶחְמֽוֹל׃ ¹² שְׁלִשִׁתֵ֞יךְ בַּדֶּ֣בֶר יָמ֗וּתוּ וּבָֽרָעָב֙ יִכְל֣וּ בְתוֹכֵ֔ךְ וְהַ֨שְּׁלִשִׁ֔ית בַּחֶ֖רֶב יִפְּל֣וּ סְבִיבוֹתָ֑יִךְ וְהַשְּׁלִישִׁית֙ לְכָל־ ר֣וּחַ אֱזָרֶ֔ה וְחֶ֖רֶב אָרִ֥יק אַחֲרֵיהֶֽם׃ ¹³ וְכָלָ֣ה אַפִּ֗י וַהֲנִחוֹתִ֧י חֲמָתִ֛י בָּ֖ם וְהִנֶּחָ֑מְתִּי וְֽיָדְע֞וּ כִּי־ אֲנִ֣י יְהוָ֗ה דִּבַּ֙רְתִּי֙ בְּקִנְאָתִ֔י בְּכַלּוֹתִ֥י חֲמָתִ֖י בָּֽם׃ ¹⁴ וְאֶתְּנֵךְ֙ לְחָרְבָּ֣ה וּלְחֶרְפָּ֔ה בַּגּוֹיִ֖ם אֲשֶׁ֣ר סְבִיבוֹתָ֑יִךְ לְעֵינֵ֖י כָּל־ עוֹבֵֽר׃ ¹⁵ וְֽהָ֨יְתָ֜ה חֶרְפָּ֤ה וּגְדוּפָה֙ מוּסָ֣ר וּמְשַׁמָּ֔ה לַגּוֹיִ֖ם אֲשֶׁ֣ר סְבִיבוֹתָ֑יִךְ בַּעֲשׂוֹתִי֩ בָ֨ךְ שְׁפָטִ֜ים בְּאַ֤ף וּבְחֵמָה֙ וּבְתֹכְח֣וֹת חֵמָ֔ה אֲנִ֥י יְהוָ֖ה דִּבַּֽרְתִּי׃ ¹⁶ בְּֽשַׁלְּחִ֡י אֶת־ חִצֵּי֩ הָרָעָ֨ב הָרָעִ֤ים בָּהֶם֙ אֲשֶׁ֣ר הָי֣וּ לְמַשְׁחִ֔ית אֲשֶׁר־ אֲשַׁלַּ֥ח אוֹתָ֖ם לְשַֽׁחֶתְכֶ֑ם וְרָעָב֙ אֹסֵ֣ף עֲלֵיכֶ֔ם וְשָׁבַרְתִּ֥י לָכֶ֖ם מַטֵּה־ לָֽחֶם׃ ¹⁷ וְשִׁלַּחְתִּ֣י עֲ֠לֵיכֶם רָעָ֞ב וְחַיָּ֤ה רָעָה֙ וְשִׁכְּלֻ֔ךְ וְדֶ֥בֶר וָדָ֖ם יַעֲבָר־ בָּ֑ךְ וְחֶ֙רֶב֙ אָבִ֣יא עָלַ֔יִךְ אֲנִ֥י יְהוָ֖ה דִּבַּֽרְתִּי׃

Ezéchiel 6

¹ וַיְהִ֥י דְבַר־ יְהוָ֖ה אֵלַ֥י לֵאמֹֽר׃ ² בֶּן־ אָדָ֕ם שִׂ֥ים פָּנֶ֖יךָ אֶל־ הָרֵ֣י יִשְׂרָאֵ֑ל וְהִנָּבֵ֖א אֲלֵיהֶֽם׃ ³ וְאָ֣מַרְתָּ֔ הָרֵי֙ יִשְׂרָאֵ֔ל שִׁמְע֖וּ דְּבַר־ אֲדֹנָ֣י יְהוִ֑ה כֹּה־ אָמַ֣ר אֲדֹנָ֣י יְ֠הוִה לֶהָרִ֨ים וְלַגְּבָע֜וֹת לָאֲפִיקִ֣ים הִנְנִ֨י אֲנִ֜י מֵבִ֤יא עֲלֵיכֶם֙ חֶ֔רֶב וְאִבַּדְתִּ֖י בָּמֽוֹתֵיכֶֽם׃ ⁴ וְנָשַׁ֙מּוּ֙ מִזְבְּח֣וֹתֵיכֶ֔ם וְנִשְׁבְּר֖וּ חַמָּֽנֵיכֶ֑ם וְהִפַּלְתִּי֙ חַלְלֵיכֶ֔ם לִפְנֵ֖י גִּלּוּלֵיכֶֽם׃ ⁵ וְנָתַתִּ֗י אֶת־ פִּגְרֵי֙ בְּנֵ֣י יִשְׂרָאֵ֔ל לִפְנֵ֖י גִּלּֽוּלֵיהֶ֑ם וְזֵרִיתִי֙ אֶת־ עַצְמ֣וֹתֵיכֶ֔ם סְבִיב֖וֹת מִזְבְּחוֹתֵיכֶֽם׃ ⁶ בְּכֹל֙ מוֹשְׁב֣וֹתֵיכֶ֔ם הֶעָרִ֣ים תֶּחֱרַ֔בְנָה וְהַבָּמ֖וֹת תִּישָׁ֑מְנָה לְמַעַן֩ יֶחֶרְב֨וּ וְיֶאְשְׁמ֜וּ מִזְבְּחֽוֹתֵיכֶ֗ם וְנִשְׁבְּר֤וּ וְנִשְׁבְּתוּ֙ גִּלּ֣וּלֵיכֶ֔ם וְנִגְדְּעוּ֙ חַמָּ֣נֵיכֶ֔ם וְנִמְח֖וּ מַעֲשֵׂיכֶֽם׃ ⁷ וְנָפַ֥ל חָלָ֖ל בְּתֽוֹכְכֶ֑ם וִֽידַעְתֶּ֖ם כִּֽי־ אֲנִ֥י יְהוָֽה׃ ⁸ וְהוֹתַרְתִּ֗י בִּהְי֥וֹת לָכֶ֛ם פְּלִ֥יטֵי חֶ֖רֶב בַּגּוֹיִ֑ם בְּהִזָּרֽוֹתֵיכֶ֖ם בָּאֲרָצֽוֹת׃ ⁹ וְזָכְר֨וּ פְלִֽיטֵיכֶ֜ם אוֹתִ֗י בַּגּוֹיִם֮ אֲשֶׁ֣ר נִשְׁבּוּ־ שָׁם֒ אֲשֶׁ֨ר נִשְׁבַּ֜רְתִּי אֶת־ לִבָּ֣ם הַזּוֹנֶ֗ה אֲשֶׁר־ סָר֙ מֵֽעָלַ֔י וְאֵת֙ עֵֽינֵיהֶ֔ם הַזֹּנ֕וֹת אַחֲרֵ֖י גִּלּֽוּלֵיהֶ֑ם וְנָקֹ֙טּוּ֙ בִּפְנֵיהֶ֔ם אֶל־ הָֽרָעוֹת֙ אֲשֶׁ֣ר עָשׂ֔וּ לְכֹ֖ל תּוֹעֲבֹתֵיהֶֽם׃ ¹⁰ וְיָדְע֖וּ כִּֽי־ אֲנִ֣י יְהוָ֑ה לֹ֤א אֶל־ חִנָּם֙ דִּבַּ֔רְתִּי לַעֲשׂ֥וֹת לָהֶ֖ם הָרָעָ֥ה הַזֹּֽאת׃
¹¹ כֹּֽה־ אָמַ֞ר אֲדֹנָ֣י יְהוִ֗ה הַכֵּ֨ה בְכַפְּךָ֜ וּרְקַ֤ע בְּרַגְלְךָ֙ וֶֽאֱמָר־ אָ֔ח אֶ֛ל כָּל־ תּוֹעֲב֥וֹת רָע֖וֹת בֵּ֣ית יִשְׂרָאֵ֑ל אֲשֶׁ֗ר בַּחֶ֛רֶב בָּרָעָ֥ב וּבַדֶּ֖בֶר יִפֹּֽלוּ׃ ¹² הָרָח֞וֹק בַּדֶּ֣בֶר יָמ֗וּת וְהַקָּרוֹב֙ בַּחֶ֣רֶב יִפּ֔וֹל וְהַנִּשְׁאָר֙ וְהַנָּצ֔וּר בָּרָעָ֖ב יָמ֑וּת וְכִלֵּיתִ֥י חֲמָתִ֖י בָּֽם׃ ¹³ וִֽידַעְתֶּם֙ כִּֽי־ אֲנִ֣י יְהוָ֔ה בִּֽהְי֣וֹת חַלְלֵיהֶ֗ם בְּתוֹךְ֙ גִּלּ֣וּלֵיהֶ֔ם סְבִיב֖וֹת מִזְבְּחֽוֹתֵיהֶ֑ם אֶל֩ כָּל־ גִּבְעָ֨ה רָמָ֜ה בְּכֹ֣ל ׀ רָאשֵׁ֣י הֶהָרִ֗ים וְתַ֨חַת כָּל־ עֵ֤ץ רַֽעֲנָן֙ וְתַ֙חַת֙ כָּל־ אֵלָ֣ה עֲבֻתָּ֔ה מְק֗וֹם אֲשֶׁ֤ר נָֽתְנוּ־ שָׁם֙ רֵ֣יחַ נִיחֹ֔חַ לְכֹ֖ל גִּלּוּלֵיהֶֽם׃ ¹⁴ וְנָטִ֤יתִי אֶת־ יָדִי֙ עֲלֵיהֶ֔ם וְנָתַתִּ֨י אֶת־ הָאָ֜רֶץ שְׁמָמָ֤ה וּמְשַׁמָּה֙ מִמִּדְבַּ֣ר דִּבְלָ֔תָה בְּכֹ֖ל מוֹשְׁבֽוֹתֵיהֶ֑ם וְיָדְע֖וּ כִּֽי־ אֲנִ֥י יְהוָֽה׃

Références croisées

1:1 Nb 4:3, Lc 3:23, Ec 9:1-2, Jr 24:5-7, Ez 1:3, Ez 3:15, Ez 3:23, Ez 10:15, Ez 10:20, Ez 10:22, Ez 43:3, Mt 3:16, Lc 3:21, Jn 1:51, Ac 7:56, Ac 10:11, Ap 4:1, Ap 19:11, Ez 8:3, Ez 11:24, Gn 15:1, Gn 46:2, Nb 12:6, Es 1:1, Dn 8:1-2, Os 12:10, Jl 2:28, Mt 17:9, Ac 9:10-12, Ac 10:3, 2Co 12:1
Réciproques : 2R 24:14, Esd 8:15, Ps 137:1, Es 6:1, Jr 29:15, Ez 40:2, Dn 7:1
1:2 Ez 8:1, Ez 20:1, Ez 29:1, Ez 29:17, Ez 31:1, Ez 40:1, 2R 24:12-15
Réciproques : 2R 24:14, 2Ch 36:10, Es 48:15, Ez 17:12, Ez 24:1, Ez 26:1, Ez 30:20, Ez 32:1, Ez 32:17, Ez 33:21
1:3 Jr 1:2, Jr 1:4, Os 1:1, Jl 1:1, 1Tm 4:1, Ez 3:14, Ez 3:22, Ez 8:1, Ez 33:22, Ez 37:1, Ez 40:1, 1R 18:46, 2R 3:15
Réciproques : 1Ch 28:19, Jr 1:1, Jr 29:15, Ez 1:1, Ez 11:24, Ez 43:3, Dn 10:4, So 1:1, Lc 3:2
1:4 Es 21:1, Jr 1:13-14, Jr 4:6, Jr 6:1, Jr 23:19, Jr 25:9, Jr 25:32, Ha 1:8-9, Ez 10:2-4, Ex 19:16-18, Ex 24:16-17, Dt 4:11-12, 2Ch 5:13-14, 2Ch 6:1, 2Ch 7:1-3, Ps 18:11-13, Ps 50:3, Ps 97:2-3, Ps 104:3-4, Es 19:1, Na 1:3-6, Ha 3:3-5, He 12:29, Ez 1:27, Ez 8:2, Ez 10:8-9, Ap 1:15
Réciproques : 1R 19:11, 1R 22:17, 2R 2:11, Jb 38:1, Es 6:2, Ez 3:23, Ez 43:3, Za 6:6, Mt 28:3, Ap 4:6, Ap 14:1
1:5 Ap 4:6, Ap 6:6
Réciproques : Ex 36:8, Ps 18:10, Ez 10:15, Za 1:10, Za 6:5
1:6 Ez 1:10, Ez 1:15, Ez 10:10, Ez 10:14, Ez 10:21, Ez 10:22, Ap 4:7-8, Ez 1:8-11, Ex 25:20, 1R 6:24-27, Es 6:2
1:7 Lv 11:3, Lv 11:47, Ez 1:13, Ps 104:4, Dn 10:6, Ap 1:15
Réciproques : Ez 40:3
1:8 Ez 8:3, Ez 10:2, Ez 10:7, Ez 10:8, Ez 10:18, Ez 10:21, Es 6:6
Réciproques : Ez 1:6, Ap 4:7
1:9 Ez 1:11, 2Ch 3:11-12, 1Co 1:10, Ez 1:12, Ez 10:11, Ez 10:22, Pr 4:25-27, Lc 9:51, Lc 9:62
Réciproques : Es 6:2, Ez 1:17
1:10 Ez 10:14, Ap 4:7, Nb 2:10, Es 46:8, Lc 15:10, 1Co 14:20, Nb 2:3, Jg 14:18, 1Ch 12:8, Ap 5:5, Ez 10:14, Nb 2:18, Pr 14:4, 1Co 9:9-10, Nb 2:25, Dt 28:49, Jb 39:27, Es 40:31, Dn 7:4
Réciproques : Ex 36:8, 1R 7:25, 1R 7:29, 2Ch 4:3, Ez 1:6, Ez 10:22, Ez 41:18
1:11 Ez 10:16, Ez 10:19, Ez 1:23, Es 6:2
Réciproques : Ne 7:7, Ez 1:9, Dn 9:21
1:12 Ez 1:9, Ez 1:17, Ez 10:22, Ez 1:20-21, He 1:14
Réciproques : Ez 1:23, Ez 10:17, Ez 46:9
1:13 Ez 1:7, Gn 15:17, Ps 104:4, Dn 10:5-6, Mt 28:3, Ap 4:5, Ap 10:1, Ap 18:1
Réciproques : 2R 6:17, Ps 80:1, Ez 10:2, Ez 10:7, Ez 10:15, Dn 7:9, He 1:7
1:14 Ps 147:15, Dn 9:21, Za 2:3-4, Za 4:10, Mt 24:27, Mt 24:31, Mc 13:27
Réciproques : Ez 10:15, Dn 10:6, He 1:7, Ap 14:6
1:15 Ez 1:19-21, Ez 10:9, Ez 10:13-17, Dn 7:9, Ez 1:6, Ap 4:7
Réciproques : 1R 7:30, 1Ch 28:18, Ps 68:17, Ez 10:2
1:16 Ez 10:9, Ex 39:13, Dn 10:6, Ez 10:10, Jb 9:10, Ps 36:6, Ps 40:5, Rm 11:33, Ep 3:10
Réciproques : Ex 28:20, 1R 7:33
1:17 Ez 1:9, Ez 1:12, Ez 10:1, Ez 11:25, Es 55:11
Réciproques : Ez 10:11, Ez 10:19, Ez 46:9
1:18 Jb 37:22-24, Ps 77:16-19, Ps 97:2-5, Es 55:9, Ez 10:12, Pr 15:3, Za 4:10, Ap 4:6, Ap 4:8
Réciproques : 1R 7:33, Ps 66:5
1:19 Ez 10:16, Ps 103:20
Réciproques : Ez 1:15, Ez 1:21, Ez 11:22
1:20 Ez 1:12, 1Co 14:32, Ez 10:17, Za 6:1-8
Réciproques : Ex 25:20, Ez 1:21, Ez 10:11, Ez 11:22
1:21 Ez 1:19-20, Ez 10:17, Rm 8:2
Réciproques : Ez 1:12
1:22 Ez 1:26, Ez 10:1, Ex 24:10, Jb 37:22, Ap 4:3, Ap 4:6, Ap 21:11
Réciproques : Jb 28:17, Ps 150:1, Ez 10:20
1:23 Ez 1:12, Ez 1:24, Ez 1:11, Jb 4:18, Ps 89:7, Lc 17:10
1:24 Ez 43:2, Ap 1:15, Ap 19:6, Ez 10:5, Jb 37:2, Jb 37:4, Jb 37:5, Ps 18:13, Ps 29:3-9, Ps 68:33, Dn 10:6, 2R 7:6
Réciproques : Es 6:2, Es 6:4, Es 6:8, Ez 1:23, Ez 1:25, Ez 3:13
1:25 Ez 1:24
Réciproques : Es 6:1
1:26 Ez 1:22, Ez 10:1, Mt 28:18, Ep 1:21-22, Ph 2:9-10, 1P 3:22, Ps 45:6, Es 6:1, Dn 7:9-10, Dn 7:14, Za 6:13, Mt 25:13, He 1:8, He 8:1, He 12:2, Ap 4:2-3, Ap 5:13, Ap 20:11, Ex 24:10, Es 54:11, Gn 32:24-30, Js 5:13-15, Js 6:1-2, Es 9:6-7, Jr 23:5-6, Dn 10:18, Ap 1:13, Ap 3:21, Ap 14:14
Réciproques : Ex 28:18, Jg 13:20, 1R 22:19, Ct 5:14, Jr 3:17, Jr 17:12, Ez 8:2, Ez 8:4, Ez 10:19, Ez 43:7, Dn 7:13, Dn 8:15, Dn 10:16, Jn 1:18, Ac 7:55, Col 1:15, Ap 21:11
1:27 Ez 1:4, Ez 8:2, Dt 4:24, Ps 50:3, Ps 97:2, 2Th 1:8, He 12:29, Ap 1:14-16
Réciproques : Ex 24:10, Ex 24:17, Ez 40:3
1:28 Gn 9:13-16, Es 54:8-10, Ap 4:3, Ap 10:1, Ez 8:4, Ez 10:19-20, Ez 43:3, Ex 16:7, Ex 16:10, Ex 24:16, Ex 33:18-23, Nb 12:6-8, 1R 8:10-11, 1Co 13:12, Ez 3:23, Gn 17:3, Lv 9:24, Dn 8:17, Dn 10:7-9, Dn 10:16, Dn 10:17, Mt 17:5-6, Ac 9:4, Ap 1:17-18
Réciproques : Gn 17:17, Ex 24:10, Nb 24:4, Jg 13:20, Ez 2:1, Ez 10:4, Ez 43:2, Ez 44:4, Am 9:1, Mt 26:39, Ap 4:2
1:1 Ez 2:3, Ez 2:6, Ez 2:8, Ez 3:1, Ez 3:4, Ez 3:10, Ez 3:17, Ez 4:1, Ez 5:1, Ez 7:2, Ez 12:3, Ez 13:2, Ez 14:3, Ez 14:13, Ez 15:2, Ez 16:2, Ez 17:2, Ez 20:3, Ez 37:3, Ps 8:4, Dn 8:17, Mt 16:13-16, Jn 3:13, Jn 3:16, Ez 1:28, Dn 10:11, Dn 10:19, Mt 17:7, Ac 9:6, Ac 26:16
Réciproques : Ez 38:2
1:2 Ez 3:12, Ez 3:14, Ez 3:24, Ez 36:27, Nb 11:25-26, Jg 13:25, 1S 16:13, Ne 9:30, Jl 2:28-29, Ap 11:11
Réciproques : Ez 11:5, Dn 8:18
1:3 Ez 3:4-8, 2Ch 36:15-16, Es 6:8-10, Jr 1:7, Jr 7:2, Jr 25:3-7, Jr 26:2-6, Jr 36:2, Mc 12:2-5, Lc 24:47-48, Jn 20:21-22, Rm 10:15, Ez 16:1-63, Ez 20:1-49, Ez 23:1-49, Ez 20:18-30, Nb 20:10, Nb 32:13-14, Dt 9:24, Dt 9:27, 1S 8:7-8, 2R 17:17-20, Esd 9:7, Ne 9:16-18, Ne 9:26, Ne 9:33-35, Ps 106:16-21, Ps 106:28, Ps 106:32-40, Jr 3:25, Jr 16:11-12, Jr 44:21, Dn 9:5-13, Ac 7:51
Réciproques : Ps 78:8, Ps 79:8, Es 30:1, Es 58:1, Es 63:10, Es 65:2, Jr 4:17, Jr 7:25, Jr 36:6, Ez 2:1, Ez 3:1, Ez 3:26, Ez 12:2, Ez 24:3, Am 7:15, Lc 10:3
1:4 Ez 3:7, Dt 10:16, Dt 31:27, 2Ch 30:8, 2Ch 36:13, Ps 95:8, Es 48:4, Jr 3:3, Jr 5:3, Jr 6:15, Jr 8:12, Mt 10:16, Pr 21:29, 1R 22:14, Jr 26:2-3, Ac 20:26-27
Réciproques : Dt 9:6, 1R 14:6, Ps 75:5, Ps 105:28, Pr 7:13, Es 57:4, Jr 7:2, Jr 7:27, Jr 36:21, Jr 38:21, Ez 11:5, Am 7:15, Za 7:12, Ac 7:51, Ep 6:20
1:5 Ez 2:7, Ez 3:10-11, Ez 3:27, Mt 10:12-15, Ac 13:46, Rm 3:3, 2Co 2:15-17, Ez 3:19, Ez 33:9, Ez 33:33, Lc 10:10-12, Jn 15:22
Réciproques : Dt 30:14, Dt 31:19, 1S 15:23, 1R 14:6, 2R 5:8, Jr 7:2, Jr 36:21, Jr 38:21, Ez 11:5, Ez 12:2, Ez 12:9, Ez 17:12, Ez 44:6, Mt 11:14, Mc 6:20
1:6 Ez 3:8-9, 2R 1:15, Es 51:12, Jr 1:8, Jr 1:17, Mi 3:8, Mt 10:28, Lc 12:4, Ac 4:13, Ac 4:19, Ac 4:29, Ep 6:19, Ph 1:28, 2Tm 1:7, 2S 23:6-7, Es 9:18, Jr 6:28, Mi 7:4, Lc 10:19, Ap 9:3-6, Ez 3:9, Ez 3:26, Ez 3:27, Pr 30:13-14, Es 51:7, Jr 18:18, Am 7:10-17, He 11:27, 1P 3:14
Réciproques : Ex 5:1, Ex 6:29, Ex 8:1, Ex 17:5, 1R 12:11, Ne 6:13, Ps 120:6, Pr 7:13, Es 6:5, Es 8:11, Jr 15:10, Jr 36:14, Ez 2:1, Ez 12:2, Ez 16:5, Ez 24:3, Ha 1:3, Mt 10:26, Mc 12:14, Lc 11:12, Jn 14:27, Ac 4:11, Ac 18:9
1:7 Ez 3:10, Ez 3:17, Jr 1:7, Jr 1:17, Jr 23:28, Jr 26:2, Jon 3:2, Mt 28:20, Ez 2:5
Réciproques : Ex 6:29, Ex 8:1, Nb 9:8, 2Ch 18:13, Jb 36:2, Ps 40:10, Es 63:10, Jr 1:8, Jr 15:10, Jr 15:19, Jr 17:20, Jr 23:22, Jr 34:6, Jr 36:14, Jr 38:21, Jr 42:4, Jr 42:21, Jr 44:24, Ez 3:4, Ez 3:11, Ez 11:5, Ez 11:25, Ez 14:4, Ez 20:27, Ez 33:7, Ez 40:4, Jon 1:2, Mc 12:14, Ac 4:11, Ac 26:19
1:8 Lv 10:3, Nb 20:10-13, Nb 20:24, 1R 13:21-22, Es 50:5, 1P 5:3, Ez 3:1-3, Ez 3:10, Jr 15:16, 1Tm 4:14-16, Ap 10:9
Réciproques : Jr 13:2, Ez 2:1, Ez 12:7, Ez 17:12, Ez 24:3, Ez 33:7, Ez 40:4, Ac 26:19
1:9 Ez 8:3, Jr 1:9, Dn 5:5, Dn 10:10, Dn 10:16-18, Ez 3:1, He 10:7, Ap 5:1-5, Ap 10:8-11
Réciproques : 2Ch 21:12, Esd 6:1, Jr 36:2, Jr 36:4, Za 5:1, Ac 11:5, Ap 10:2, Ap 14:1
1:10 Es 30:8-11, Ha 2:2, Es 3:11, Jr 36:29-32, Ap 8:13, Ap 9:12, Ap 11:14
Réciproques : 2Ch 21:12, Jr 13:27, Jr 31:15, Lm 2:5, Ez 3:3, Ez 16:23, Ez 19:1, Mi 2:4, Za 5:1, Mt 2:18, Ap 5:1, Ap 10:2, Ap 10:10
1:1 Ez 3:10, Ez 2:8-9, 1Tm 4:15, Ap 10:9-10, Ez 3:11, Ez 3:15, Ez 3:17-21, Ez 2:3, Jr 24:1-7
Réciproques : Esd 6:1, Jr 15:16, Jr 36:2, Ez 2:1
1:2 Jr 25:17, Ac 26:19
Réciproques : Ez 11:4
1:3 Ez 2:10, Jb 32:18-19, Jr 6:11, Jr 20:9, Jn 7:38, Col 3:16, Ps 119:11, Jr 15:16, Jn 6:53-63, Jb 23:12, Ps 19:10, Ps 119:97, Ps 119:103, Pr 2:10-11, Ap 10:9-10
Réciproques : Gn 41:21, Nb 5:22
1:4 Ez 3:11, Ez 2:3, Ez 2:7, Mt 10:5-6, Mt 15:24, Ac 1:8
Réciproques : Gn 15:1, Es 48:4, Jr 7:27, Ez 2:1, Ez 11:25, Ez 14:4, Ez 20:27
1:5 Jon 1:2, Jon 3:2-4, Ac 26:17-18, Ez 3:6, Ps 81:5, Es 33:19
Réciproques : Es 58:1
1:6 Jon 3:5-10, Mt 11:20-24, Mt 12:41-42, Lc 11:30-32, Ac 27:28, Rm 9:30-33
Réciproques : Dt 28:49, Es 6:10, Es 33:19, Ez 3:5, Mt 11:21, Mt 15:22, Lc 10:13, Ac 13:42, Ac 22:18, Ac 28:26
1:7 1S 8:7, Jr 25:3-4, Jr 44:4-5, Jr 44:16, Lc 10:16, Lc 13:34, Lc 19:14, Jn 5:40-47, Jn 15:20-24, Ez 2:4, Ez 24:7, Es 3:9, Jr 3:3, Jr 5:3
Réciproques : Pr 7:13, Es 48:4, Jr 15:10, Am 8:2, Za 1:4, Za 7:11, Za 7:12, Ml 2:2, Mt 11:21, Lc 10:13, Ac 4:11, Ac 22:18, Ac 28:26, Rm 2:5, He 3:8
1:8 Ex 4:15-16, Ex 11:4-8, 1R 21:20, Es 50:7, Jr 1:18, Jr 15:20, Mi 3:8, Ac 7:51-56, He 11:27, He 11:32-37
Réciproques : 1R 18:18, Jr 1:8, Jr 6:27, Ez 2:6
1:9 Za 7:12, Ez 2:6, Es 41:10, Es 41:14, Es 50:7, Jr 1:8, Jr 1:17, Jr 17:18, Mi 3:8, 1Tm 2:3, 2Tm 2:6
Réciproques : Es 30:1, Jr 1:18, Jr 15:20, Ez 3:27, Ez 11:7, Ez 12:2, Ez 17:12, Ez 24:3, Ez 44:6, Os 6:5, Ac 18:9, 1P 3:14
1:10 Ez 3:1-3, Ez 2:8, Jb 22:22, Ps 119:11, Pr 8:10, Pr 19:20, Lc 8:15, 1Th 2:13, 1Th 4:1
Réciproques : Ex 7:2, Jr 1:9, Jr 1:17, Jr 15:19, Jr 19:2, Jr 26:2, Ez 2:1, Ez 2:5, Ez 2:7, Am 8:2, Mt 11:14
1:11 Ez 3:15, Ez 11:24-25, Dn 6:13, Ez 33:2, Ez 33:12, Ez 33:17, Ez 33:30, Ez 37:18, Ex 32:7, Dt 9:12, Dn 12:1, Ez 3:27, Ez 2:5, Ez 2:7, Ac 20:26-27
Réciproques : Ex 6:29, Jr 1:17, Jr 15:19, Jr 19:2, Jr 29:20, Ez 3:4, Ez 11:5, Ez 20:27, Mt 11:14, Ac 2:4, Ac 4:20
1:12 Ez 3:14, Ez 2:2, Ez 8:3, Ez 11:1, Ez 11:24, Ez 40:1-2, 1R 18:12, 2R 2:16, Ac 8:39, Ac 2:2, Ap 1:10, Ap 1:15, Ps 72:18-19, Ps 103:20-21, Ps 148:2, Es 6:3, Ap 5:11-14, Ap 19:6, Ez 9:3, Ez 10:4, Ez 10:18, Ez 10:19, Ez 11:22-23, Ex 40:34-35, 1S 4:21-22
Réciproques : 1Ch 29:10, Ez 8:1, Ez 43:5, Mi 1:3, Mt 4:1, Lc 2:13, Ep 3:10, Ap 4:2, Ap 17:3
1:13 Ez 1:24, Ez 10:5, 2S 5:24, Ez 10:16-17
Réciproques : 1R 7:30, Ac 2:2
1:14 Ez 3:12, Ez 8:3, Ez 37:1, Ez 1:3, Ez 8:1, Ez 37:1, 1R 18:46, 2R 2:16, 2R 3:15, Jr 20:7-9
Réciproques : Ex 4:1, Ex 4:13, Ex 11:8, 1Ch 28:19, Jb 32:18, Ps 39:3, Pr 14:10, Ec 2:17, Es 8:11, Jr 1:17, Jr 17:16, Jr 20:9, Ez 2:2, Ez 3:22, Ez 11:1, Ez 40:1, Jon 1:3, Mi 3:8, Ha 3:16, Mt 4:1, Lc 4:1, Ac 4:20, Ac 9:13, Ac 18:5, Ac 26:19, 1Co 9:17, Ap 10:9, Ap 10:10, Ap 21:10
1:15 Ez 3:23, Ez 1:1, Ez 10:15, Ez 43:3, Gn 50:10, Jb 2:13, Ps 137:1, Jr 23:9, Ha 3:16
Réciproques : Ex 4:13, Esd 8:15, Esd 9:3, Es 56:10, Jr 29:20, Ez 3:1, Ez 3:11, Ez 11:24
1:16 Réciproques : Jr 1:4
1:17 Ez 33:2-9, 1Co 12:28, Ct 3:3, Ct 5:7, Es 21:6, Es 21:8, Es 21:11, Es 21:12, Es 52:8, Es 56:10, Es 62:6, Jr 6:17, Jr 31:6, Ac 20:28-31, He 13:17, Ez 33:6-8, 2Ch 19:10, Es 58:1, Jr 6:10, Ha 2:1, Mt 3:7, 1Co 4:14, 2Co 5:11, 2Co 5:20, Col 1:28, 1Th 5:14
Réciproques : Ex 6:29, Ex 7:2, Ex 18:20, Nb 9:8, 1R 22:14, 2Ch 18:7, Ps 19:11, Ps 40:10, Es 21:10, Jr 1:7, Jr 7:27, Jr 17:20, Jr 23:22, Jr 26:2, Jr 38:21, Jr 42:21, Ez 2:1, Ez 2:7, Ez 3:1, Ez 11:4, Ez 11:25, Ez 14:4, Ez 33:7, Ez 40:4, Os 9:8, Jon 3:2, Ag 1:13, Mc 13:34, Ac 20:31, Ac 27:11, Rm 12:7, 1Co 15:3, 2Co 6:5, 1Th 4:2, 2Tm 4:5, He 11:7, Jc 3:1
1:18 Ez 18:4, Ez 18:13, Ez 18:20, Ez 33:6, Ez 33:8, Gn 2:17, Gn 3:3-4, Nb 26:65, 2R 1:4, Es 3:11, Lc 13:3, Lc 13:5, Ep 5:5-6, Ez 18:30-32, Ac 2:40, Ac 3:19, 1Tm 4:16, Jc 5:19-20, Ez 33:6, Ez 33:9, Ez 33:10, Pr 14:32, Jn 8:21, Jn 8:24, Ez 34:10, Gn 9:5-6, Gn 42:22, 2S 4:11, Lc 11:50-51, Ac 20:26-27, 1Tm 5:22
Réciproques : Gn 20:7, Gn 43:9, Ex 33:3, Nb 18:1, Dt 22:8, Js 22:23, 1S 8:9, 2R 6:10, 2Ch 19:10, Ps 40:10, Pr 13:17, Es 53:6, Es 55:7, Jr 6:10, Jr 7:27, Jr 31:30, Ez 3:19, Ez 3:20, Ez 18:18, Ez 33:14, Mt 3:7, Mc 6:18, Ac 4:11, Ac 18:6, Ac 27:11, Jc 3:1
1:19 2R 17:13-23, 2Ch 36:15-16, Pr 29:1, Jr 42:19-22, Jr 44:4-5, Lc 10:10-11, Ac 18:5-6, 1Th 4:6, He 2:1-3, He 12:25, Ez 3:18, 2Th 1:8-9, He 10:26-27, Ez 3:21, Ez 14:14, Ez 14:20, Ez 33:5, Ez 33:9, Es 49:4-5, Ac 13:45-46, Ac 20:26, 2Co 2:15-17
Réciproques : Ex 33:3, Nb 18:1, Es 55:7, Jr 31:30, Ez 2:5, Ez 33:14, Mc 6:18, Jn 8:21, Ac 4:11, 1Tm 4:16
1:20 Ez 18:24, Ez 18:26, Ez 33:12-13, 2Ch 24:2, 2Ch 24:17-22, Ps 36:3, Ps 125:5, So 1:6, Mt 13:20-21, He 10:38, 2P 2:18-22, 1Jn 2:19, Es 64:6, Dn 9:18, Ez 7:19, Ez 14:3, Ez 14:7-9, Dt 13:3, Ps 119:165, Es 8:14, Jr 6:21, Lc 2:34, Rm 9:32-33, Rm 11:9, 1Co 1:23, 2Th 2:9-12, 1P 2:8, Ez 3:18, Lv 19:17, 2S 12:7-13, 2Ch 19:2-4, 2Ch 25:15, Pr 25:12, Mt 18:15, Ez 18:24, Ez 18:26, Ez 33:12-13, Mt 12:43-45, Lc 8:15, Rm 2:7-8, He 10:38, 2P 2:21, Ez 3:18, Ez 33:6, He 13:17
Réciproques : Gn 43:9, Dt 22:8, Jr 34:16, Ez 3:21, Ez 34:10, Am 5:7, Rm 11:22, Ap 2:14
1:21 Mt 24:24-25, Ac 20:31, 1Co 4:14, 1Co 10:12, Ga 1:6-10, Ga 5:2-7, Ep 4:17-21, Ep 5:5-6, Col 1:28, Col 3:5-8, 1Th 4:6-8, 1Th 5:14, Tt 2:15, 1Jn 3:6-9, Ap 3:19, Ez 3:20, Ps 19:11, Pr 9:9, Pr 17:10, Ga 2:11-13, Jc 5:20, Ez 3:19, 1Tm 4:16
Réciproques : Jr 42:19, Ez 18:17, Ez 18:21, Ez 18:24, Ez 33:9, Ez 33:12, 1Jn 2:1
1:22 Ez 3:14, Ez 1:3, Ez 37:1, Ez 8:4, Ac 9:6
Réciproques : Ex 33:9, 2R 3:15, 1Ch 28:19, Ez 8:1, Ez 33:22, Ez 40:1
1:23 Ez 1:4, Ez 1:28, Ez 9:3, Ez 10:18, Nb 16:19, Nb 16:42, Ac 7:55, Ez 1:1-3, Ez 1:28, Dn 8:17, Dn 10:8-9, Ap 1:17, Ap 4:10, Ap 5:8, Ap 5:14
Réciproques : Gn 17:3, Ez 3:15, Ez 8:4, Ez 10:20, Ez 43:2, Ez 43:3, Ez 44:4, Mt 17:6, Lc 2:9
1:24 Ez 2:2, Ez 37:10, Dn 10:8-10, Dn 10:19, Ez 4:1-4
Réciproques : Ne 6:10, Jr 15:17, Jr 31:30, Ez 11:5
1:25 Ez 4:8, Mc 3:21, Jn 21:18, Ac 9:16, Ac 20:23, Ac 21:11-13
Réciproques : Jr 15:17
1:26 Ez 24:27, Ps 51:15, Ps 137:6, Jr 1:17, Lc 1:20-22, Ps 36:11-12, Lm 2:9, Os 4:17, Am 5:10, Am 8:11-12, Mi 3:6-7, Ez 2:3-8, Es 1:2
Réciproques : Ex 4:11, Jb 29:10, Es 30:1, Es 56:10, Ez 2:6, Ez 3:27, Ez 12:2, Ez 29:21, Ez 33:22, Ez 44:6, Mi 2:6
1:27 Ez 11:25, Ez 24:27, Ez 29:21, Ez 33:32, Ex 4:11-12, Lc 21:15, Ep 6:19, Ez 3:11, Ez 2:5, Mt 11:15, Mt 13:9, Ap 22:10-11, Ez 3:9, Ez 3:26, Ez 12:2-3
Réciproques : Ps 51:15, Es 30:1, Es 56:10, Jr 1:7, Ez 2:6, Ez 11:5, Ez 20:27, Ez 33:2, Ez 33:22, Ez 44:6, Dn 10:16, Lc 1:64, Ac 6:10
1:1 Ez 5:1-17, Ez 12:3-16, 1S 15:27-28, 1R 11:30-31, Es 20:2-4, Jr 13:1-14, Jr 18:2-12, Jr 19:1-15, Jr 25:15-38, Jr 27:2-22, Os 1:2-9, Os 3:1-5, Os 12:10, Jr 6:6, Jr 32:31, Am 3:2
Réciproques : Dt 28:52, 2R 13:18, 2R 25:1, Jr 43:9, Jr 52:4, Ez 2:1, Ez 3:24, Ez 5:2, Ez 5:5, Ez 21:19
1:2 Jr 39:1-2, Jr 52:4, Lc 19:42-44, Ez 21:22
Réciproques : Jr 33:4, Ez 17:17
1:3 Lv 2:5, Ez 12:6, Ez 12:11, Ez 24:24-27, Es 8:18, Es 20:3, Lc 2:34, He 2:4
Réciproques : 1R 20:35, Ez 4:7, Ez 13:17, Ez 21:2, Dn 11:17
1:4 Ez 4:5, Ez 4:8, 2R 17:21-23, Lv 10:17, Lv 16:22, Nb 14:34, Nb 18:1, Es 53:11-12, Mt 8:17, He 9:28, 1P 2:24
Réciproques : Ex 28:38, Ez 18:20
1:5 Es 53:6, 1R 12:33, Jr 52:30
Réciproques : Es 20:2, Es 20:3, Ez 4:4, Ez 4:9
1:6 Ez 4:9, 2R 25:1-4, Jr 37:5, 2R 23:3, 2R 23:23, Jr 52:30, Nb 14:34, Dn 9:24-26, Dn 12:11-12, Ap 9:15, Ap 11:2-3, Ap 12:14, Ap 13:5
Réciproques : Es 20:3
1:7 Ez 4:3, Ez 6:2, Es 52:10
Réciproques : Ez 20:46, Ez 21:2, Dn 11:17
1:8 Ez 3:25
Réciproques : Ez 4:4
1:9 Ez 4:13, Ez 4:16, Ez 4:5
Réciproques : 2R 25:3, Es 28:25, Jr 52:6, Lm 5:4, Ez 4:6
1:10 Ez 4:16, Ez 14:13, Lv 26:26, Dt 28:51-68, Es 3:1
Réciproques : Ap 6:5
1:11 Ez 4:16, Es 5:13, Jn 3:34
Réciproques : Ex 29:40, Lv 23:13
1:12 Gn 18:6
Réciproques : Ez 21:6
1:13 Dn 1:8, Os 9:3-4
Réciproques : 2R 6:25, 2R 18:27, Es 30:20, Ez 4:9, Am 7:17
1:14 Ez 9:8, Ez 20:49, Jr 1:6, Ac 10:14, Ex 22:31, Lv 11:39-40, Lv 17:15, Lv 19:7, Dt 14:3, Es 65:4, Es 66:17
Réciproques : Ex 22:13, Lv 7:21, Lv 7:24, Lv 11:2, Dt 14:21, Jb 6:7, Dn 1:8, Ml 1:13, Mt 14:20, Ac 15:20, Col 2:16, He 9:10
1:15 Ez 4:15
Réciproques : 2R 18:27, Lm 1:11
1:16 Ez 5:16, Ez 14:13, Lv 26:26, Ps 105:16, Es 3:1, Ez 4:10-11, Ez 12:18-19, Ps 60:3, Lm 1:11, Lm 4:9-10, Lm 5:9
Réciproques : Dt 28:48, Jb 6:7, Jb 21:25, Ps 80:5, Ps 104:15, Ec 5:17, Es 36:12, Ez 4:9, Am 4:8, Mi 6:14, Ag 1:6, Ap 6:5
1:17 Ez 24:23, Lv 26:39
Réciproques : Dt 28:28, Dt 28:48, Jb 21:25, Ps 80:5, Ec 5:17, Es 3:1, Lm 5:9, Ez 12:18, Mi 6:14, Ag 1:6
1:1 Ez 44:20, Lv 21:5, Es 7:20, Dn 5:27
Réciproques : 2R 13:18, Jr 18:2, Jr 24:9, Jr 43:9, Ez 2:1, Ez 4:1, Ez 21:19
1:2 Ez 5:12, Jr 9:21-22, Jr 15:2, Jr 24:10, Jr 38:2, Ez 4:1-8, Ez 5:12, Ez 12:14, Lv 26:33, Jr 9:16, Am 9:2-3
Réciproques : 2R 25:11, Jb 30:22, Ps 68:1, Es 24:1, Jr 12:12, Jr 13:24, Jr 24:9, Jr 31:10, Jr 49:37, Ez 5:10, Ez 6:8, Am 9:4, Za 13:8
1:3 2R 25:12, Jr 39:10, Jr 40:6, Jr 52:16, Mt 7:14, Lc 13:23-24, 1P 4:18
Réciproques : Es 24:6, Jr 40:11, Jr 42:2, Jr 42:22, Ez 33:24
1:4 2R 25:25, Jr 41:1, Jr 44:30, Jr 52:30, Jr 4:4, Jr 48:45
Réciproques : Lv 14:45, Jr 42:2, Jr 42:22, Ez 7:11, Ez 28:18, Ez 33:24, Mt 26:26, 1Co 10:4
1:5 Ez 4:1, Jr 6:6, Lc 22:19-20, 1Co 10:4, Ez 16:14, Dt 4:6, Mi 5:7, Mt 5:14
Réciproques : Mt 26:26
1:6 Ez 16:47, Dt 32:15-21, 2R 17:8-20, Ps 106:20, Rm 1:23-25, 1Co 5:1, Jud 1:4, Ne 9:16-17, Ps 78:10, Jr 5:3, Jr 8:5, Jr 9:6, Jr 11:10, Za 7:11
Réciproques : Ex 10:3, Ex 16:28, Es 59:12, Jr 5:28, Ez 16:27, He 12:25
1:7 Ez 5:11, Ez 16:47-48, Ez 16:54, 2R 21:9-11, 2Ch 33:9, Jr 2:10-11
Réciproques : Jr 5:28, Ez 16:27
1:8 Ez 15:7, Ez 21:3, Ez 26:3, Ez 28:22, Ez 35:3, Ez 39:1, Lv 26:17-46, Dt 29:20, Jr 21:5, Jr 21:13, Lm 2:5, Lm 3:3, Za 14:2-3, Mt 22:7, Ez 25:2-6, Ez 26:2, Ez 29:6-7, Ez 35:10-15, Dt 29:23-28, 1R 9:8-9, Jr 22:8-9, Jr 24:9, Jr 50:7, Lm 2:15-17
Réciproques : Gn 6:17, Ex 14:17, Jr 4:12, Jr 23:39, Jr 50:31, Ez 5:14, Ez 11:9, Ez 13:8, Ez 16:41, Ez 25:11, Ez 30:19, Ez 34:10, Ez 34:11, Na 2:13
1:9 Lm 4:6, Lm 4:9, Dn 9:12, Am 3:2, Mt 24:21
Réciproques : Ez 7:5
1:10 Lv 26:29, Dt 28:53-57, Dt 28:64, 2R 6:29, Es 9:20, Es 49:26, Jr 19:9, Lm 2:20, Lm 4:10, Ez 5:2, Ez 5:12, Ez 6:8, Ez 12:14, Ez 20:23, Ez 22:15, Ez 36:19, Lv 26:33, Dt 4:27, Dt 28:64, Dt 32:26, Ne 1:8, Ps 44:11, Jr 9:16, Jr 44:12, Jr 50:17, Am 9:9, Za 2:6, Za 7:14, Lc 21:24
Réciproques : 2R 6:28, 2R 25:3, Jr 6:21, Jr 13:14, Jr 31:10, Jr 49:32, Jr 49:36, Jr 52:6, Lm 2:19, Lm 4:3, Ez 11:9, Ez 25:11, Za 11:9
1:11 Nb 14:28-35, Ps 95:11, Am 8:7, He 6:13, Ez 8:5-6, Ez 8:16, Ez 23:28, Ez 44:7, 2R 21:4, 2R 21:7, 2R 23:12, 2Ch 33:4, 2Ch 33:7, 2Ch 36:14, Jr 7:9-11, Jr 32:34, Ez 7:20, Ez 11:18, Ez 11:21, Dt 7:25-26, Jr 16:18, Jr 44:4, Ez 29:15, Ps 107:39, Jr 10:24, Rm 11:12, Ez 7:4, Ez 7:9, Ez 8:18, Ez 9:5, Ez 9:10, Ez 24:14, Dt 29:20, Lm 2:21, Za 11:6, Ml 3:17, Rm 8:32, Rm 11:21, 2P 2:4-5
Réciproques : Lv 15:31, Lv 20:3, Nb 14:21, Dt 13:8, Jb 16:13, Ps 78:50, Es 30:14, Jr 13:14, Lm 2:17, Ez 5:7, Ez 7:11, Ez 8:3, Ez 33:11, Ez 43:8, Rm 14:11, 1Co 3:17
1:12 Ez 5:2, Ez 6:12, Jr 15:2, Jr 21:9, Za 13:7-9, Ez 5:2, Ez 5:10, Ez 6:8, Jr 9:16, Za 7:14, Ez 5:2, Ez 12:14, Lv 26:33, Dt 28:65, Jr 42:16-17, Jr 42:22, Jr 43:10-11, Jr 44:27, Am 9:4
Réciproques : 2R 25:3, Ps 92:9, Es 26:15, Jr 13:24, Jr 14:12, Jr 15:9, Jr 16:4, Jr 21:6, Jr 24:9, Jr 24:10, Jr 29:17, Jr 38:2, Jr 40:11, Jr 49:32, Jr 49:36, Jr 49:37, Jr 51:2, Lm 1:3, Ez 5:17, Ez 6:11, Ez 7:15, Ez 14:17, Ez 14:19, Ez 14:21, Ez 17:21, Ez 21:3, Ez 22:15, Ez 28:23, Ez 33:27, Ez 36:19, Mi 6:14, Za 2:6, Za 13:8
1:13 Ez 6:12, Ez 7:8, Ez 13:15, Ez 20:8, Ez 20:21, Jr 25:12, Lm 4:11, Lm 4:22, Dn 9:2, Dn 11:36, Ez 16:42, Ez 16:63, Ez 21:17, Ez 23:25, Ez 24:13, Es 1:21, Dt 32:36, Es 1:24, Za 6:8, Ez 6:10, Ez 36:5-6, Ez 38:18-19, Es 9:7, Es 59:17
Réciproques : Lv 26:28, Dt 28:63, 2R 19:31, Est 7:10, Es 22:25, Es 59:18, Jr 4:4, Jr 5:9, Jr 21:6, Jr 24:9, Jr 36:7, Jr 44:6, Jr 44:22, Lm 2:4, Ez 5:17, Ez 6:9, Ez 7:3, Ez 12:15, Ez 22:14, Ez 24:8, Ez 26:14, Os 10:10, Na 1:2
1:14 Ez 22:4, Lv 26:31-32, Dt 28:37, 2Ch 7:20-21, Ne 2:17, Ps 74:3-10, Ps 79:1-4, Es 64:10-11, Jr 19:8, Jr 24:9-10, Jr 42:18, Lm 1:4, Lm 1:8, Lm 2:15-17, Lm 5:18, Mi 3:12, Ez 5:8
Réciproques : Ps 89:41, Es 24:1, Jr 2:15, Jr 23:40, Ez 6:6, Mc 10:20
1:15 Dt 29:24-28, 1R 9:7, Ps 79:4, Es 26:9, Jr 22:8-9, 1Co 10:11, Ez 25:17, Es 66:15-16, Na 1:2
Réciproques : Lv 26:28, Lv 26:32, Ps 89:41, Es 14:4, Es 22:25, Jr 23:40, Ez 5:17, Ez 11:9, Ez 14:8, Ez 22:4, Ez 23:48, Ez 25:11, Ez 26:14, Ez 30:19, Ez 35:3, Za 8:13, Ap 6:8
1:16 Dt 32:23-24, Ps 7:13, Ps 91:5-7, Lm 3:12, Ez 4:16, Ez 14:13, Lv 26:26, 2R 6:25, Es 3:1
Réciproques : Ps 104:15, Lm 1:11, Lm 2:19
1:17 Ez 14:15, Ez 14:21, Ez 33:27, Ez 34:25-28, Ex 23:29, Lv 26:22, Dt 32:24, 2R 17:25, Jr 15:3, Ez 5:12, Ez 14:19, Ez 38:22, Ez 6:12, Ez 21:3, Ez 23:47, Ez 5:13, Ez 5:15, Ez 17:21, Ez 17:24, Ez 21:32, Ez 22:14, Ez 26:14, Ez 30:12, Ez 37:14, Mt 24:35
Réciproques : Lv 26:6, Lv 26:25, Es 22:25, Jr 13:1, Jr 27:2, Lm 1:11, Ez 14:17, Os 1:2, Os 12:10
1:1 Ez 6:1
Réciproques : Jr 29:16
1:2 Ez 4:7, Ez 13:17, Ez 20:46, Ez 21:2, Ez 25:2, Ez 38:2-3, Ez 19:9, Ez 33:28, Ez 34:14, Ez 35:12, Ez 37:22, Js 11:21, Mi 6:1-2
Réciproques : Ez 18:2, Ez 28:21, Ez 29:2, Ez 35:2, Ez 36:1, Dn 8:17
1:3 Ez 36:1-4, Ez 36:8, Jr 22:29, Mi 6:2, Jr 2:20, Jr 3:6, Jr 3:23, Lv 26:30, Es 27:9
Réciproques : Gn 6:17, Ex 14:17, Lv 26:25, Jr 17:3, Jr 23:39, Ez 7:3, Ez 18:2, Ez 33:2, Ez 34:11
1:4 Ez 6:6, 2Ch 14:5, 2Ch 34:4, Jr 43:13, Ez 6:5, Ez 6:13, Lv 26:30, 1R 13:2, 2R 23:14, 2R 23:16-20, 2Ch 34:5, Jr 8:1-2
Réciproques : 1S 5:4
1:5 Ez 6:5
Réciproques : Ps 53:5, Jr 7:32, Jr 8:1, Ez 6:4
1:6 Es 6:11, Jr 9:19, So 3:7, Ez 5:14, Es 24:1-12, Es 32:13-14, Es 64:10, Jr 2:15, Jr 9:11, Jr 10:22, Jr 34:22, Mi 3:12, So 1:2-6, So 1:18, So 3:6, Ez 16:39, Lv 26:30, Jr 17:3, Os 10:8, Ez 30:13, Es 2:18, Es 2:20, Es 27:9, Os 10:2, Mi 1:7, Mi 5:13, So 1:3-4, Za 13:2, Ps 115:8, Es 1:31, Ha 2:18
Réciproques : Lv 26:31, Ez 6:4, Ez 12:19, Ez 23:48, Ez 35:4
1:7 Ez 9:7, Jr 14:18, Jr 18:21, Jr 25:33, Lm 2:20-21, Lm 4:9, Ez 6:13, Ez 7:4, Ez 7:9, Ez 11:10, Ez 11:12, Ez 12:15, Ez 13:9, Ez 13:14, Ez 13:21, Ez 13:23, Ez 14:8, Ez 15:7, Ez 20:38, Ez 20:42, Ez 20:44, Ez 23:49, Ez 24:24, Ez 24:27, Ez 25:17, Ez 26:6, Ez 28:23, Ez 30:26, Ez 35:15, Ez 38:23, Ex 7:5, Ex 14:4, Ex 14:18, 2R 19:19, Ps 83:17-18, Dn 4:35-37, Dn 6:26-27
Réciproques : 1R 20:13, Jr 16:21, Ez 6:10, Ez 12:19, Ez 16:62, Ez 17:21, Ez 20:26, Ez 22:16, Ez 32:15, Ez 33:29, Ez 35:4, Ez 35:9, Ez 35:12, Ez 37:6
1:8 Ez 5:2, Ez 5:12, Ez 12:16, Ez 14:22, Es 6:13, Es 27:7-8, Jr 30:11, Jr 44:14, Jr 44:28, Jr 46:28, Rm 9:27, Rm 11:5-6
Réciproques : Esd 9:8, Esd 9:14, Est 3:8, Es 1:9, Es 24:13, Jr 13:24, Jr 29:18, Jr 31:7, Ez 5:10, Ez 7:16, 1P 1:1
1:9 Lv 26:40-41, Dt 4:29-31, Dt 30:1-3, Ps 137:1, Jr 51:50, Dn 9:2-3, Za 10:9, Ez 5:13, Ez 16:43, Ps 78:40, Ps 78:40, Es 7:13, Es 43:24, Es 63:10, Jr 3:6, Jr 3:13, Am 2:13, Ez 14:4-7, Ez 20:7, Ez 20:24, Ez 20:28, Ez 23:14-16, Nb 15:39, 2R 16:10, 2P 2:14, Ez 7:16, Ez 12:16, Ez 16:63, Ez 20:43, Ez 36:31-32, Lv 26:39, Jb 42:6, Es 64:6, Jr 30:18-19
Réciproques : Lv 20:6, Esd 9:8, Ne 1:2, Jb 31:7, Pr 13:5, Es 59:13, Jr 17:5, Jr 31:19, Ez 14:3, Ez 14:22, Ez 23:30, Dn 9:5, Os 1:2, Os 5:15, Mi 5:13
1:10 Ez 6:7, Ez 14:22-23, Jr 5:12-14, Jr 44:28, Dn 9:12, Za 1:6
Réciproques : Jr 10:18, Ez 5:13, Ez 12:25, Ez 17:21
1:11 Ez 21:14-17, Nb 24:10, Es 58:1, Jr 9:1, Jr 9:10, Ez 9:4, Jr 30:7, Jl 1:15, Am 5:16, Ap 18:10, Ap 18:16-19, Ez 5:12, Ez 14:21, Jr 15:2-3, Jr 16:4, Jr 24:10
Réciproques : Ex 5:3, Jr 4:12, Jr 38:2, Jr 42:22, Ez 7:11, Ez 7:12, Ez 21:4, Ez 21:6, Ez 21:12, Ez 25:6, Ez 33:27, Ez 33:29
1:12 Dn 9:7, Ez 5:13, Es 40:2, Lm 4:11, Lm 4:22
Réciproques : Es 59:18, Jr 4:4, Jr 24:10, Jr 44:6, Lm 2:4, Ez 5:12, Ez 5:17, Ez 7:3, Ez 7:8, Ez 7:12, Ez 14:21, Na 1:2
1:13 Ez 6:4-7, Es 37:20, Es 37:36-38, Ez 20:28, 1R 14:23, 2R 16:4, Es 1:29, Es 57:5-7, Es 65:3-4, Es 66:17, Jr 2:20, Jr 3:6, Os 4:13
Réciproques : Lv 26:30, Jr 13:27, Ez 6:7, Ez 7:3, Ez 18:6, Ez 20:41, Ez 30:26, Ez 37:6
1:14 Ez 16:27, Ez 20:33-34, Es 5:25, Es 9:12, Es 9:17, Es 9:21, Es 10:4, Es 26:11, Nb 33:46, Jr 48:22
Réciproques : 1R 20:28, Es 14:17, Jr 4:27, Jr 18:16, Ez 7:4, Ez 12:15, Ez 12:19, Ez 15:8, Ez 33:28, Ez 35:3, Ez 36:4, Ez 36:34

Notes de la Bible Codex W. Leningrad

A savoir : les notes ne font PAS partie du texte biblique. Plus d'informations
Ezéchiel 1

1.1 BHS has been faithful to the Leningrad Codex where there might be a question of the validity of the form and we keep the same form as BHS.

Ezéchiel 2

2.2 Puncta extraordinaria -- a ׄ is used to mark such marks in the text when they are above the line and a ׅ when they are below the line.

Ezéchiel 3

3.3 Large letter(s). Shown as large letters without a superscript note number.

Ezéchiel 4

4.4 Small letter(s). Shown as small letters without a superscript note number.

Ezéchiel 5

5.5 Suspended letter(s). Shown as suspended letters without a superscript note number.

Ezéchiel 6

6.6 Inverted nun in the text.